柏傲莊
一個比較大嘅單位，有835呎，3房半兩廁單位。
本單位係柏傲莊開則比較有特色的單位，因為有一個鑽石形的廚房同一個鑽石形的工人房，和玄關位偏大同成曲尺形。
另外，三房面積相對偏細。
以主人房為例，雖然套廁有比較豪華感的企缸連浴缸設計，但房間都放不下三邊落床的雙人床。
設計特色
「鑽石形」，在好多人眼中都係缺點，但設計師眼中就有發揮空間。
首先，設計師將客飯廳右邊的兩間比較細嘅房打通，將客廁改成套廁，整個空間變成一間設有最時尚嘅長虹玻璃衣帽間的主人套房，除了可以放三邊落床的雙人床之外，仲有書枱連妝枱,感覺空間寬敞和有走動空間。
而左邊的套廁，就改成客廁，取消有豪華感但實用性不高嘅企缸連浴缸，將騰出嘅空間改成實用性較高嘅入牆衣柜給客房使用，令房間更整齊闊落，整個空間又可以擺到超大地台床及工作枱連妝枱；既實用，有因沒有高身傢俬，視覺空間大增。
廚房的鑽石形靠飯廳位置，設計師就將佢打通，做了一個吧枱，令廚房變成半開放式。這個改動，除咗將廚房變成飯廳的一部份，更同時成功將偏大的玄關走廊納入飯廳範圍之內，將本來陰暗及唔實用的空間變成飯廳的一部份，令空間感倍增。
至於鑽石型工人房，設計師就改了以柜做間隔，成功放到一個高身鞋柜及工人上床下柜套床。更充分利用空間之餘，亦增加玄關位的美感。
除咗空間大改造，裝飾設計上設計師將主人套房的房門，改為與客飯廳特色牆配合的暗門，令客飯廳整體感覺更完整、更有氣派、更富時代感。以原有房間面積同間隔計，業戶的居住感覺其實同六、七百呎的單位相若。
但變身改造後的感覺就係千呎以上豪宅的感受。
想看更多圖片可按此 柏傲莊